चला कोडे सोडवा☺️
खवय्येगिरी
सांगा पाहु पदार्थांची नावे... 👇🏼
१.पानाचे ठेवले पदरावर पदर
बेसनाच्या सारणाची त्यामधे भर
चवीला हवा , चिंचेचा गर
वाफवुन तळा भरभर .......?
२.छिद्राचे गोल वडे तुपात तळले
पाकात घोळवले........
३.बेसन कांदा ,मिरची भारी
गरम खाण्याची मजाच न्यारी......
४.रवा मैदा साटे,तुपात तळले
साखरेत घोळले,
सुगरणीचा हात लागता
तोंडात विरघळले.......
५.बेसन,साखर ,तुप सार्यांचे मिश्रण यात
एका शहराच्या नावाने
होते सुरुवात.....
६.गुळ खोबरे नैवेद्याला
पांघरुन पांढरा शेला
सखी सुगरणी ऐन
पावसात घडवी याला.......
७.साखर खवा सुगंधासाठी
विलायची टाका जपुन
फळाफुलांच्या नावानेच
उर येतो भरुन....
८.रवा मैद्याची पारी ,कापुन टाकली पाकात
, पदर पदर सुटुन
दिसला नवीन रुपात....
९.भाजल्या तांदुळ डाळी
त्यात तीळ ओवा
गोडानंतर सगळे म्हणती
हाच पदार्थ हवा.......
१०.लाडवात लाडु वर मधुर
रवाळ खवा
फ्युजन पदार्थात,लपलाय
बंगाली मेवा.....
११.खारे किंवा गोड ,
रंग माझा वेगळा
वरुन कठीण कुरकुरीत
आत भाव भोळा.......
१२.आधी बांधुन बूंधुन
टांगुन ठेवतात खुंटीला
मग मात्र गोडीगुलाबीने
जवळ केले मला.......
१३.तावुन सुलाखुन मी सुदृढ झाले
नंतर नशिबी रुपेरी कोंदण
आले......
१४.बालपणी माखले तुपात
तारुण्य फुलले दुधात
गोड मऊ म्हातारपण
सांगा पाहु मी कोण.......
१५.रवा मैद्याची पोटली
तुपात तळली साखरेत घोळली
घडी सुटु नये म्हणुन
काळी चांदणी टोचली.......
१६.आकार माझा गोल,चेहरा खडबडीत
अहो पदार्थ बिघडेल करु नका
गडाबडीत......
१७.आजीने मला किसलं ,साखरेत घोळलं
आंबट गोड चव
चाखुन पावणं खुष झालं.....
१८.बेसन पीठ भिजवुन
तळा कळ्या खमंग
रुचिपालट करीता
दह्याशी जोडावा संग........
१९.तांदळाची असली तरी
पोट माझे फुगते
हलकी फुलकी असल्याने
सर्वांशी जमते......
२०.पौष्टीकतेत मी आहे सर्व पदार्थांचा राजा
ताई माई पाहुण्या आल्या की,
भाव वाढतो माझा.......
0 Comments